Құрылтай қоғам мен саяси ұйымдар арасындағы байланысты нығайтады

Құрылтай еліміздегі қоғам мен саяси ұйымдар арасындағы байланысты нығайтып, мемлекеттік құрылымдардың өзара ықпалдастығын арттырады. Халықаралық сарапшылардың пікірі осындай. Қазіргі уақытта бір палаталы парламент әлемнің көптеген елінде бар. Бұл ең алдымен саяси партиялардың рөлін күшейтіп, қабылданатын заңдардың сапасын арттыруға сеп болады дейді мамандар. 

Сергей Михневич, Ресей ғылым академиясы Қытай және қазіргі азия институтының жетекші ғылыми қызметкері:

Әрине, Құрылтай заң шығару процесіне жаңашылдық әкеледі. Қазақстандағы саяси реформалар елдің барлық саласына оң әсер етеді, демократияның жаңа моделін қалыптастырады. Бұл орайда қазақстандықтар сайлауда белсенділік танытады деп ойлаймын.