Президент семсерлесуден Әлем чемпионы атанған Қазақстан құрамасын құттықтады

Қасым-Жомарт Тоқаев семсерлесуден Қазақстан ерлер құрамасын Гонконгта өткен Әлем чемпионатындағы жеңісімен құттықтады. Мемлекет басшысы құттықтауында семсерлесушілердің ел тарихындағы тұңғыш алтын медалі спорттық шеберліктің, болаттай берік мінез бен командалық рухтың айқын көрінісі екенін атап өтті. Президент жеңімпаздар мен жаттықтырушылар құрамына Қазақстанның әлемдік аренадағы беделін арттыруға қосқан үлесі үшін шынайы алғысын айтып, жаңа жеңістерге жете беруіне тілектестік білдірді. Айта кетсек, турнирдің финалдық кезеңінде Қазақстан құрамасы Украинамен кездесіп, басым түсті.