Балалардың гаджетке тәуелділігін қалай азайтуға болады?

Смартфонды шамадан тыс пайдалану балалардың мінез-құлқы мен қарым-қатынасына кері әсер етуі мүмкін. Мамандар олардың гаджетке тәуелді екенін телефонды жиі тексеруінен, оқу үлгерімінің төмендеуінен және ұйқы режимінің бұзылуынан байқауға болатынын айтады. Мұндайда ата-аналар құрылғыны пайдалану ережелерін түсіндіріп, өздері де үлгі көрсете білуі қажет. Психолог пікірі осыған саяды.

Анаргүл Мәуленқызы, психолог:

Таза ауада көбірек серуендеу, қызықты ойындарды көбірек ойнау, баламен сөйлесу. Яғни, бала үшін қызықты іс-әрекеттерді үнемі ұсынып отыру қажет. Себебі кейбір балалар ойыншықпен қалай ойнау керегін де білмей жатады. Қызықты атрибуттарды қолдануға болады. Түрлі түсті, ашық түсті, әдемі түсті. Баланы қызықтыратындай ойыншықтарды қолдану өте маңызды.