Павлодарда жолаушы тасымалдаған 7 жүргізуші мас күйінде ұсталды

Павлодарда полиция жолаушы тасымалдаушы көліктерді тексеріп, бір тәулікте 284 құқық бұзушылықты анықтады. Мәселен, кейбір жүргізушілер жолаушыларды тасымалдау талаптарын сақтамаған, маневр жасау қағидаларын бұзған, міндетті сақтандыруды рәсімдемеген.

Сондай-ақ 13 такси жүргізушісі техникалық байқаудан өтпеген автокөлікпен жолаушыларға қызмет көрсетсе, үш жүргізуші қарсы қозғалыс жолағына шыққан. Ең сорақысы - 7 жүргізуші көлік тізгініне мас күйінде отырған. Олар бірден қамауға алынды. Көліктері арнайы автотұраққа қойылды.

Жолаушылар қауіпсіздігіне мән бермей, ұялы телефонмен сөйлескен 55 жүргізуші айыппұл арқалады.