Қазақстан алтын сатып алу бойынша көшбасшы елдердің қатарына енді

Қазақстан алтын сатып алу жағынан әлемдегі көшбасшы бес елдің қатарына енді. Екінші тоқсанда елдің алтын қоры 15 тоннаға ұлғайды. Көш басында Польша тұр. Одан кейін Қытай мен Өзбекстан бар. Жалпы алғанда, жыл басынан бері әлемнің орталық банктері шамамен 289 тонна алтын сатып алған. Бұл өткен жылмен  салыстырғанда 62 пайызға көп. Дүниежүзілік алтын кеңесінің мәліметінше, алтынға сұраныстың артуына геосаяси тұрақсыздық, бағаның арзандауы және қорларын әртараптандыруға ұмтылысы әсер еткен.