Жаңа оқу жылы: 450 мың балаға қолдау көрсетіледі

Алдағы оқу жылы қарсаңында әлеуметтік осал санаттағы 450 мыңға жуық оқушыға мектепке дайындалу үшін қаржылай қолдау көрсетіледі. Бұл мақсатқа жергілікті бюджеттерден 23 миллиард теңге бөлінген. Бір балаға төленетін ең төменгі сома 50 мың 851 теңге. Бұл қаражат жетім балаларға, ата-анасының қамқорлығынсыз қалған, аз қамтылған және қиын жағдайға тап болған отбасылардың балаларына беріледі. Көмек алу үшін ата-аналар немесе заңды өкілдер білім беру ұйымына қажетті құжаттарды тапсыруы керек.