Қостанай облысының құрылғанына – 90 жыл

Қостанай облысының құрылғанына – 90 жыл! Бүгінде өңір еліміздің жетекші аграрлы аймақтарының біріне айналып, өнеркәсіп саласында да қарқынды дамып келеді. Қазақстанда құрастырылатын автокөліктердің төрттен бірі дәл осы астықты өлкеде шығарылады. Мерейтой қарсаңында өңірдің экономикалық әлеуетін танытуға арналған халықаралық инвестициялық форум өтті. Оған кәсіпкерлер, инвесторлар мен шетелдік серіктестер қатысып, инвестициялық жобалар мен өзара ынтымақтастықтың жаңа бағыттарын талқылады. Осы жиында облыс әкімі Президент Қасым-Жомарт Тоқаевтың Қостанай жұртшылығына жолдаған құттықтауын жеткізді.

Құмар Ақсақалов, Қостанай облысының әкімі:

Қостанай – ырысы мол, ынтымағы жарасқан қастерлі өлке. Қазір аймақ экономикасы қарқынды дамып жатыр. Азаматтардың қажырлы еңбегінің арқасында өңір өркендеу жолына түсіп, көптеген жетістікке қол жеткізуде. Осы орайда облысты көркейту үшін аянбай еңбек етіп келе жатқан азаматтарға шынайы ризашылығымды білдіремін.