Электр қуаты толық қалпына келтірілді

Бүгін Тәжікстан, Қырғызстан, Өзбекстан және еліміздің оңтүстік өңірлерінде жарық өшті. Министрліктің мәліметінше, Орталық Азиядағы электр энергиясы ағынының күрт өзгеруінен Қазақстан энергожүйесінде тұрақсыздық туындап, апаттан қорғайтын автоматика іске қосылған. Бұдан бөлек, ведомство өкілдері Өзбекстандағы жарықтың өшуіне Қазақстандағы апат себеп болды деген ақпаратты жоққа шығарды. Ал Тәжікстандағы жағдайға Нүрек су электр станциясындағы шамадан тыс жүктеме себеп болуы мүмкін. Бұл ақпарат әзірге ресми расталған жоқ.