Сайлау қарсаңында 8 заңбұзушылық анықталды

Сайлау қарсаңында 8 заңбұзушылық анықталды. Бас прокуратура қазақстандықтарға үндеу жасады. Анықталған фактілердің үшеуі сайлауға қатысты қоғамдық сауал және 5 факт тыйым салынған кезеңде үгіт жүргізуге байланысты. Осы бойынша жеті жеке тұлға мен бір заңды тұлға әкімшілік жауапқа тартылды. Олар кінәсін мойындап, заң талаптарына қайшы жарияланымдарды интернет-платформалардан өшірген. Бас прокуратураның мәліметінше, сайлауалды үгіт бүгін түнде, яғни сағат 00:00-де аяқталады. Ал Конституциялық заң талаптарына сәйкес, сайлау алдындағы күн мен дауыс беру күні, яғни 22 және 23 тамызда кез келген үгіт-насихат жұмыстарын жүргізуге тыйым салынады.