Жамбыл Жабаевтың отызға жуық ұрпағы Құрылтай сайлауында дауыс берді

Алматы облысында жыр алыбы Жамбыл Жабаевтың ұрпағы Құрылтай сайлауында дауыс берді. Ақынның отызға жуық шөбере-шөпшегі алдымен Жамбыл Жабаев атындағы әдеби-мемориалдық музейде жиналып, аталарының рухына тағзым етті. Кейін ғасыр жасаған Жамбылдың шөберелері атасы туралы жылы естелік айтып, халықты ұлт тағдырына тікелей әсер ететін тарихи сәтте белсенді болуға шақырды.

Мұратхан Жамбылов, Ж.Жабаевтың шөбересі:

Құрылтай сайлауына келіп, бәріміз мемлекетіміз үшін үнімізді қосып, таңдауымызды жасап. Мемлекетіміздің жақсы нығайып, өсіп-өнуі үшін қашан да еліміз жұртымызбен дауысымызды беріп отырмыз.