Сайлау учаскелерінде Exit Рoll өкілдері сауалнама жүргізіп жатыр

«Exit poll» өкілдері Алматыдағы сайлау учаскелерінде тұрғындар арасында сауалнама жүргізіп жатыр. Сауалнамаға қатысушылар дауыс беру таңдауына қатысты бірнеше сұраққа жасырын түрде жауап беруде. Жиналған мәліметтер кейін Құрылтай сайлауының ресми қорытындыларымен салыстырылады. Алматыда exit poll жұмысына қатысқан сауалнама жүргізушілердің бірі – Шернияз Нұрланқұл. Оның айтуынша, дауыс беруге келген азаматтардың қатары біртіндеп артып жатыр

Шернияз Нұрланқұл, Exit poll өкілі:

Біз әр учаскеде 2 адамнан боламыз. Олардың біреуі интервьюер, екінші адам есептеуші болып саналады. Интервьюер адамдарға сұрақтарын қояды, ал екіншісі қанша адам келді, қанша адам жауап берді, қанша адам жауап беруден бас тартқанын санап тұрады.