Қоғамдық байқаушылар коалициясының 500-ден астам өкілі жұмыс істеп жатыр

Ақтөбе облысында дауыс беру процесін «Дауыс» қоғамдық байқаушылар коалициясының 500-ден астам өкілі қадағалап отыр. Яғни, өңірдегі сайлау учаскелерінің барлығы қамтылған. Мамандар саяси науқанның әділ, заң талаптарына сай өтуін қадағалауда. Байқаушылар алдын ала дайындықтан өткен. Араларында бұған дейінгі сайлауларда да жұмыс істеген тәжірибелі мамандар жетерлік.

Нұржан Шаңғытбаев, «Дауыс» қоғамдық байқаушылар коалициясы облыстық филиалының төрағасы:

Қазіргі уақытқа дейін біздің штабқа келіп түскен ақпараттар бойынша байқаушыларымызда заң бұзушылық фактілері болған жоқ. Қарттарымыздың және жастарымыздың саны артып жатыр. Барлығы жақсы көңіл күйде, жақсы деңгейде өтіп жатыр.