Мемлекет басшысы Халықаралық баскетбол федерациясының президентін қабылдады

Қазақстанда 3×3 форматындағы баскетболға келешегі зор бағыт ретінде қызығушылық артып келеді. Халықаралық баскетбол федерациясының президенті Сауд Али Әл-Тәниді қабылдауы кезінде Қасым-Жомарт Тоқаев осылай деді. Әңгімелесу барысында Президент FIBA-ның отандық баскетболға көрсеткен қолдауын жоғары бағалап, Қазақстан Ұлттық баскетбол федерациясының отырысына қатысқаны үшін ризашылығын білдірді. Федерация президенті Мемлекет басшысына елімізде аталған спорт түріне қолдау көрсеткені үшін алғыс айтып, Ұйымның баскетболды одан әрі дәріптеуге бағытталған жоспарымен бөлісті. Қасым-Жомарт Тоқаев Қазақстандағы баскетболды дамытуға үлес қосқаны үшін Сауд Али Әл-Тәниді ІІ дәрежелі «Достық» орденімен марапаттады.