Ресейдің Амур облысындағы газ-химия зауытындағы өрттен 6 қытайлық қаза тапты

Ресейдің Амур облысындағы газ-химия зауытында өрт шығып, бас-аяғы жеті адам қаза тауып, 152-сі жараланған. Опат болғардың алтауы – қытайлықтар. Тағы тоғыз жұмысшы жоғалып кетті. Өрт толық сөндірілген.

Қытай мен Ресей бірлесіп салған кешен полиэтилен өндіруден әлемдегі ең ірі химиялық кәсіпорын саналды. Құрылысы енді аяқталған зауыт іске енді қосылуға әзірленіп отырған.

Айта кетсек, Ресей ірі индустриалдық және инфрақұрылымдық жобаларды жүзеге асыруға шетелдіктерді көп тартады. Сол жұмысшылар қатарында қытайлықтар аз емес.