Атырауда 41 тарихи ескерткіштің қорғау аймағы белгіленді

Атырауда 41 тарихи ескерткіштің қорғау аймағы белгіленді. 80 нысанға ескерткіш мәртебесін беру туралы шешім қабылданды. Атырау облыстық тарихи-мәдени мұраны зерттеу орталығының мәліметінше, мониторинг жұмысы Қызылқоға, Құрманғазы, Индер және Исатай аудандарында жүргізілген. Экспедициялық топ аталған аудандарды 20 күн бойы аралап, тарихи-мәдени нысандардың жай-күйін зерделеген. Сонымен бірге 100 нысанға сараптама жүргізіліп, оның 80-іне ескерткіш мәртебесін беру туралы шешім қабылданған. Бұл – жай ғана тарихи нысандарды түгендеу емес. Қорғау аймағын белгілеу арқылы ғасырлардан жеткен жәдігерлерді заңсыз құрылыс пен басқа да қауіптерден қорғау мақсатында қолға алынған нақты шара.