БҚО-да 300-ге жуық адам қызылша жұқтырған

Батыста қызылша дерті дендеп тұр. Жыл басынан бері 300-ге жуық адам ауруға шалдыққан. Ал былтыр тек 18 науқас дәрігерге жүгінген. Қызылшамен ауырғандардың дені уақытылы екпе алмағандар. Жұқпалы дерт, әсіресе, Орал қаласында асқынып тұр. 250-ден астам тұрғын ауру жұқтырған. Сондай-ақ көкжөтелге шалдыққандар да көбейіпті. Дәрігерлер тұрғындарды жеке бас гигиенасын сақтап, санитариялық талаптарды бұзбауға шақырады.

Гүлдана Кереева, облыстық Санитариялық-эпидемиологиялық бақылау департаменті басшысының орынбасары:

Ауа тамшылары арқылы таралатын жұқпалы аурулардың көбеюі байқалып отыр. Бұл - көкжөтел және қызылша. Қызылшаны айтсақ, 2025 жылы 7 айда барлығы 18 жағдай тіркелсе, биыл 288 жағдай тіркеліп отыр. Мұнда ең басты тиімді алдын алу шарасы, бұл – екпе алу.