Meta компаниясы 18 млрд доллар өтемақы төлеуге келісті

Facebook, Instagram мессенджерлеріне иелік ететін Meta корпорациясы америкалық штаттармен уағдаластыққа қол жеткізіп, алдағы 10 жылда 18 миллиард доллар өтемақы төлеуге келісті. Және де сот құжатына қарағанда, Meta өзінің қосымшаларын жасөспірімдердің қолдануына қатаң шектеу қоюға уәде еткен.

Айта кетсек, бұл технологиялық компанияға қарсы Американың 29 штаты шағым түсіргені белгілі. Олардың сөзінше, Meta пайда табу үшін балаларды әлеуметтік желіге әдейі тәуелді ету алгоритмін қолданған. Дегенмен осыған дейінгі мәлімдемелерінде бұл корпорация тағылған кінәні жоққа шығарып, жеткішектердің психикалық жағдайы мен әлеуметтік платформаны қолдану арасында қандай да бір байланыс бар екеніне күмән келтірген еді.