Непалдағы су тасқыны құрбандары 300-ден асты

Непалда алапат су тасқынынан қаза тапқандар саны 300-ден асты. 900-ден астам адам жоғалып кеткен. «Рейтер» агенттігінің хабарлауынша, ізім-қайым жоқ юолғандардың көбі – шетелдік туристер. АҚШ-тың Геологиялық қызметінің мәліметінше, Гималай тауында алып мұздықтар құлап, тас пен лай өзенге төгіліп, төмен қарай сел жүрген.

Непал туризм министрлігінің мәліметінше, АҚШ, Канада, Британия, Австралия, Үндістан, Қытай тәрізді 20-дан астам елдің азаматтары жоғалып кеткен. Олар Кайлаш тауына мінәжат етуге барғанда апатқа душар болған. "Би-Би-Си"-дің мәліметінше, апатты зерттеу орталығының мамандары өңірде тағы су тасқыны болуы мүмкін екенін ескертіп отыр.