Басты Жаңалықтар Ел жаңалықтарына шолу

Ел жаңалықтарына шолу

27.08.2026 17:17

Алматы – Ташкент бағытында «Әйелдер вагоны» іске қосылады

Алматы – Ташкент бағытында «Әйелдер вагоны» іске қосылады. Бұл шешімге халық тарапынан сұраныстың артуы себеп болған. Ал, қазақстандық хоррор-анимация АҚШ-та арнайы жүлдеге ие болды. Осы және өзге де ақпараттар жайлы толығырақ алдағы топтамада.

1 қазаннан бастап Алматы – Ташкент бағытында «Әйелдер вагоны» іске қосылады. Бағытқа сұраныстың артуы және жолаушылар ағынының өсуі ескеріле отырып, осы бағытта «Әйелдер вагонын» іске қосу туралы шешім қабылданды. Жалпы елімізде «Әйелдер вагоны» қызметі іске қосылғаннан бері оны 946 мыңнан астам жолаушы пайдаланды.

Қазақстандық хоррор-анимация АҚШ-та арнайы жүлдеге ие болды

Қазақстандық хоррор-анимация АҚШ-та арнайы жүлдеге ие болды. «KÖLEÑKE» жобасы Portland Festival of Cinema, Animation & Technology фестивалінде қазылар алқасының «Ерекше көзқарас пен шығармашылық шеберлігі үшін» марапатын алды.

Үстел теннисінен халықаралық турнирде Ж.Бекмұхамбетова екінші орынды жеңіп алды

Үстел теннисінен Қазақстан құрамасының өкілі Жәния Бекмұхамбетова Хорватияның Вараждин қаласында өткен WTT Youth Contender сериясындағы турнирде күміс медаль жеңіп алды. U13 жас санатында Жәния хорватиялық спортшыға есе жіберіп, жарысты екінші орынмен аяқтады.

Науырзым қорығында сілеусін фототұзаққа түсіп қалды

Науырзым қорығында сілеусін фототұзаққа түсіп қалды. Бұл аң сақ жүретін жыртқыш болғандықтан, оны табиғатта көру оңай емес. Көбіне оның жүргенін ізінен ғана байқауға болады. Бұған дейін Шарын паркінде ерекше түсті қарақұйрық, ал «Көлсай көлдерінде» таутекелер бейнежазбаға түсіп қалған еді.

Автор

Оңғар Алпысбайұлы

Бөлісу