Олжас Бектенов «Бәйтерек» холдингі директорлар кеңесінің отырысын өткізді

Премьер-министр Олжас Бектенов «Бәйтерек» ұлттық инвестициялық холдингі» директорлар кеңесінің отырысын өткізді. Жиында холдингтің алдағы 10 жылға  арналған даму жоспарын жаңарту жайы қаралды. Жаңа жоспар үш стратегиялық бағытты қамтиды, олар – активтерді тиімді басқару, халықтың өмір сүру сапасын арттыру, сондай-ақ, бизнесті дамыту үшін жағдай жасау. Кәсіпкерлерді қаржыландыру жылына 8 трлн теңге көлемінде қалады. Тек жыл басынан бері  бизнесті қолдауға 5 трлн теңгеден астам қаржы бөлінген. Бүгінгі отырыста қабылданған шешімдер холдингтің инвестициялық рөлін күшейтуге, қызмет ашықтығын арттыруға және корпоративтік басқаруды жетілдіруге бағытталған.