ІІМ ұстаздар мен ата-аналарға үндеу жасады

Жаңа оқу жылы қарсаңында мектеп маңындағы жолдар мен балалар тасымалдайтын автобустар толық тексерілді. Іішкі істер министрлігі ата-аналар мен ұстаздарға балалардың қауіпсіздігіне ерекше мән беруді ескертті. Полиция балаларға жолды тек белгіленген жерден кесіп өтуге, көшеден өткенде телефон мен құлаққапты қолданбауға шақырады. Велосипед, мопед және электрлі самокат тізгіндегенде де қауіпсіздікті ұмытпауға үндейді. Ата-аналарға баласымен жиі сөйлесіп, жол ережесін түсіндіру қажет екенін ескертеді. Қауіп төнсе, 102 немесе 111 нөміріне хабарласуға болады.