Петропавл қаласында элеваторда өрт шықты

Петропавл қаласында орналасқан элеваторлардың бірінде өрт шықты.

Зардап шеккендер жоқ. Элеватордың корпустарының бірінің шатыры отқа оранған. Оқиға орнына дер кезінде жеткен өрт сөндірушілер қызыл жалынды тезарада сөндіріп үлгерді. Қоймада  сақталып тұрған 400 тоннаға жуық астықтың жанып кетуіне жол берілмеді. Өрттің жалпы аумағы 15 шаршы метр. Қазір мамандар өрттің нақты шығу себебін анықтап жатыр.