Еліміздің солтүстік аймақтарында ауа райы күрт бұзылады

Еліміздің бірқатар өңірінде ауа райы күрт бұзылады. Солтүстіктен келетін циклонның әсерінен Ақмола, Қостанай, Солтүстік Қазақстан, Павлодар және Қарағанды облыстарында жаңбыр, кей жерлерде бұршақ жауып, найзағай ойнайды. Ауа температурасы +15+20 градусқа дейін төмендейді. Маңғыстаудың солтүстік-батысы мен орталығында да жаңбыр жауады. Оңтүстікте керісінше аптап ыстық сақталады. Түркістан, Қызылорда, Жамбыл облыстарында ауа температурасы 31-38 градус. Алматы мен Алматы облысында да жауын-шашынсыз, 30-35 градус ыстық болжанып отыр.