Непалда тасқыннан қаза тапқандар саны 500-ге жуықтады

Непалда алапат су тасқынынан опат болғандар саны 469-ға жетті. 800-ден астам адам жоғалып кеткен. Тибетте 3 адам мерт болғаны мәлім. Ізім-қайым кеткендердің көбі - шетелдік туристер. Іздеу-құтқару жұмыстары жалғасып жатыр. Оған қауіпсіздік күштерінің 13 мыңдай қызметкері тартылған. Ал Непалдың төтенше жағдайлар қызметі Бхоте коши өзені суының деңгейі көтеріліп, ол арнасынан шығуы мүмкін екенін ескертті. Яғни, тағы тасқын болуы мүмкін. Сәрсенбіде болған алапат тасқынға алып мұздықтың өзенге құлауы себеп болған. Сел көшіп, үйлер мен жолдарды қиратты. Айта кетсек, тасқын болған ауданда үнділер мен буддистер пір тұтатын Мансаро вар және Госай кунда көлдері орналасқан. Жыл сайын бұл жерлерге ондаған мың турист сапар шегеді.