«Қайрат» Бельгияда «Андерлехттен» жеңілді

Алматылық «Қайрат» УЕФА Еуропа лигасына іріктеу плей офф кезеңіндегі қарымта матчта бельгиялық «Андерлехт» командасынан 3:0 есебімен жеңілді. Ойын Бельгия астанасы Брюссельдегі «Лотто Парк»стадионында өтті. Жерлестерімізге еліміздің Бельгиядағы елшілігінің ұжымы, осы мемлекеттегі студенттер мен диаспора өкілдері жанкүйер болды. Бірақ алаң иелері басымдық көрсетті. Жалпы есепте бельгиялықтар 6:0 есебімен жеңіске жетіп, Еуропа лигасының жалпы кезеңіне жолдама алды. Ал, қазақстандық клуб УЕФА Конференция лигасының жалпы кезеңіне қатысады.