Жерлестеріміз «Coupe Mondiale 79» байқауынан екі үлкен жүлде алды

Астанада алғаш рет өткен әлемдік деңгейдегі «Coupe Mondiale 79» халықаралық баяншылар мен аккордеоншылар байқауында қазақстандықтар екі бірдей бас жүлдені жеңіп алды. Қазақстан мен Орталық Азия тарихында тұңғыш рет ұйымдастырылған байқауға 16 елден 147 өнерпаз қатысты. Нәтижесінде «Әлемдік музыка ансамблі» аталымында қазақстандық «Scythians» триосы, ал ең беделді «Coupe Mondiale» санатында Жандос Сауыт бірінші орын иеленді. Байқау қорытындысы арнайы баспасөз мәслихатында жарияланып, ұйымдастырушылар халықаралық ынтымақтастық пен баян-аккордеон өнерін дамытудағы маңызын атап өтті.