Қылмыстың жалпы деңгейі 10 пайызға төмендеді

Елімізде қылмыстың жалпы деңгейі тағы 10 пайызға төмендеді. Бұл биылғы бірінші жарты жылдықтың қорытындысы. Жалпы, 8 миллионнан астам құқық бұзушылықтың жолы кесілді, оның ішінде: 16 мың ұсақ бұзақылық фактісі; қоғамдық орындарда мас күйде болудың 117 мың дерегі және  тыныштықты бұзу бойынша 65 мыңға жуық факті бар. Айта кетейік, «Заң мен тәртіп» қағидатын жүзеге асыру Мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауында белгіленген мемлекеттік бағдардың негізгі бағыты болды.