Жапониядағы жауын үш қаланы басып қалды

Жапонияның Фукуи префектурасында төпелеп жауған жаңбыр соңы тасқынға ұласты. Сондықтан елдің Метеорологиялық агенттігі тұрғындарға сақ болуды ескертті. Ал Оно және Катсуямо қалаларында қауіптің ең жоғары деңгейі жарияланды және де кейбір жерлерде лай көшкіні жүруі мүмкін екені хабарланып отыр.

Су апаты жайлаған аудандарда көшелер өзенге айналды. Сол себепті құтқарушылар қайықпен қатынауға мәжбүр. Әзірге құрбандар туралы мәлімет түскен жоқ.