Мемлекет басшысы Премьер-министрге тапсырма берді

Мемлекет басшысы Премьер-министр Олжас Бектеновті қабылдап, елдің әлеуметтік-экономикалық дамуына қатысты бірқатар тапсырма берді. Қасым-Жомарт Тоқаев экономикалық өсімнің тұрақты қарқынын қамтамасыз ету, мемлекеттік басқару тиімділігін арттыру және азаматтардың әл-ауқатын  жақсарту қажет екеніне назар аударды. Президент барлық мемлекеттік органды ортақ іске жұмылдырып, міндеттерді орындау тәртібін күшейтуді тапсырды.