Ақтөбе облысында 90 жыл бұрын салынған вокзал ғимараты жөнделді

Ақтөбе облысында 90 жыл бұрын салынған вокзал жөнделіп, қолданысқа берілді. Алға қаласындағы нысанның сәулеттік келбетіне ерекше мән берілген. Ғимараттың жалпы ауданы 379 шаршы метр. Жөндеу жұмыстары барысында шатыры ауыстырылып, сырты мен іші түгелдей әрленді. Инженерлік желілері жаңартылды. Алға станциясы арқылы Алматы, Астана, Ақтөбе, Маңғыстау, Шымкент, Тараз, Түркістан, Қызылорда және Орал қалаларына баратын 14 пойыз өтеді. Бұл - күрделі жөндеу жұмыстары жүргізілген облыстағы жеті вокзалдың бірі.

Серғали Жайлаубай, Ақтөбе магистральдық желісі бөлімшесі директорының орынбасары:

Фельдшерлік бөлме бар, полиция бөлімі бар. Жақсы жабдықталған, ішінде жолаушылар үшін бар мүмкіндік жасалған. Күту залы 60 адамға арналған, орындығы дайын.