Қазақстанның жаңа «Суперстары» кім болады?

4 мыңнан аса үміткердің арасынан тек 30 талант таңдалды. Енді сол 30-дың ішінен кім топ жарып, көрерменнің жүрегін жаулайды? Кімнің дауысы көпшілікті тәнті етіп, кімнің жұлдызы жанады?

20 жылдан кейін аңызға айналған «SuperStar KZ» қайтадан үлкен сахнаға оралды. Миллиондаған көрерменнің сүйікті жобасы бұл жолы да жаңа есімдерді іздейді. 4 мыңнан аса қатысушының арасынан іріктелген 30 үміткер енді осы мүмкіндікті жіберіп алмауға барын салады. Ал олардың өнеріне баға беретін қазылар алқасында Ләйлә Сұлтанқызы, Мақпал Исабекова және Ерболат Беделхан бар. Қазақстанның жаңа суперстары кім болады? Жауабын бірге білеміз. Алғашқы шығарылымды осы сенбі күні сағат 20:30-да «Qazaqstan» Ұлттық арнасынан көріңіздер!