Бішкектегі К.Тоқаев атындағы мектеп – екі ел достығының символы

Бішкектегі Кемел Тоқаев атындағы мектеп – екі ел достығының символы. 1940 жылы ашылған білім ордасы Қазақстан мен Қырғызстанның тарихымен тығыз байланысты. 1941 жылы мұнда Фрунзе жаяу әскер училищесі орналасып, соғыс жылдарында офицерлер даярланған. Осы жерден мемлекет басшысының әкесі, жазушы әрі соғыс ардагері Кемел Тоқаев майданға аттанған. Былтыр бұл гимназия толық жаңартылып, білім ошағы заманауи құрал-жабдықтармен қамтылды. Мұнда 120 орындық асхана бар. Ал 2027 жылы мектеп жанынан жаңа кітапхана салу жоспарланған.