Елде халық саны 20,6 миллионнан асты

Елде халық саны 20 миллион 600 мыңнан асты. Ұлттық статистика бюросының мәліметінше, 1 тамыздағы жағдай бойынша елде 20 миллион 604 мың 819 адам тұрады. Жыл басынан бері халық саны 105 мыңға өскен.

Тұрғындары ең көп қала – Алматы. Мұнда 2 млн 300 мыңнан астам адам өмір сүреді. Ал Астанада 1,6 миллионнан, Шымкентте 1,3 миллионнан астам халық бар. Облыстар арасында Түркістан көш бастап тұр. Ең аз халық Ұлытау өңірінде тіркелген.