АҚШ-тың соққысынан Иранда 5 адам қаза тапты

АҚШ әскері Иранға соңғы тәулікте тағы соққы берді. Одан Сирик қаласы маңындағы елді мекенде өткен үйлену тойында 5 адам қаза тауып, 50 тұрғын  жараланған. Мұны Қызыл Крес хабарлады. Вашингтон әзірге түсініктеме берген жоқ.

Дегенмен, Құрама Штаттардың Орталық қолбасшылығы Ислам Республикасының радар жүйесін, әуе қорғанысы қондырғыларын, теңіздегі активтерін, мина қойғыш құралдарын, байланыс техникасын нысанаға алғанын хабарлап отыр.

Иран болса, Америкадан кек алу үшін оның Ирактағы, Иорданиядағы, Бахрейндегі базаларын атқылап, бірнеше адамды мерт қылғанын жариялады. Алайда, Пентагон бұл ақпаратты әзірге растамады.