Кубадағы дағдарысқа қарамастан балалар мектепке барды

Кубада ауыр энергетикалық дағдарысқа қарамастан жаңа оқу жылы басталып, 1 жарым миллиондай бала мектепке барды. Бұл аралда ондаған жылдар бойы орта білім тегін және жалпыға бірдей міндетті. Алайда электр қуаты тапшылығы мен тасымалдаудың қиындауы бұл саясатқа кері әсер етіп отыр. Экономикалық қысымдар мен санкциялардың күшеюінен былтырғы оқу жылын мерзімінен бұрын аяқтауға тура келді.

Айта кетсек, биыл қаңтарда АҚШ  президенті Дональд Трамп әкімшілігі Кубаға мұнай жеткізуге және қаржылай көмек көрсетуге тыйым салды. Соның салдарынан «Бостандық аралы» отын тапшылығынан зардап шегіп, кейде тұрғындар апталар бойы жарықсыз қалады.