Күзгі әскерге шақыру басталды

Күзгі әскерге шақыру науқаны басталды. 18 бен 27 жас аралығындағы 23 мыңға жуық азамат отан алдындағы борышын өтейді. Олардың 12 мыңнан астамы Қарулы күштер, 7 мыңы Ұлттық ұлан, 3 мыңы Шекара қызметі, тағы 400-ден астамы Төтенше жағдайлар министрлігінің қатарын толықтырады. 

Еске салсақ, енді әскери қызметшілер әскери-есептік мамандықпен қатар, еңбек нарығында сұранысқа ие 20-ға жуық жұмысшы кәсібін тегін меңгере алады. Олардың қатарында жүргізуші, байланыс маманы, парамедик, экскаваторшы және тағы басқалары бар.