Көшпенділер ойындары: Қоржында 2 алтын, 1 күміс, 1 қола медаль

VI Дүниежүзілік көшпенділер ойындарындағы алғашқы жүлделер қоржынға түсті. 152 отандасымыз жалпы саны 42 спорт түрінде бақ сынап жатыр. Бүгін аударыспақ шеберлері 3-салмақ дәрежесінің барлығында жүлде иеленді. Қырчын аймағында өткен таяқ тартыста да 90 келіде Нұрсұлтан Есімбай қола жүлдегер атанды. Қырғызстанға арнайы барған әріптесім Азат Қадырбек бізбен байланысқа шықты. 

Азат Қадырбек, тілші:

Бүгін ат үстіндегі күресте 3 салмақ дәрежесінде жүлделер жиынтығы сарапқа салынды. Жарыс қарсаңында Ұлттық құраманың бас бапкері жігіттер жеңіс үшін барын салады деген еді. Жігіттер сөзінде тұрды. 3 салмақтың үшеуінде де отандастарымыз финалға шықты. Сары құрлық өкілдері бұл бәсекеде өзгелерден бір саты жоғары болды. Бір қызығы - үш бірдей финалда қазақстандық-қырғызстандық дербидің куәсі болдық. 1 салмақта жарыс иелері жеңіске жетсе, қалған қос салмақта Нұрталап Кәрім мен Мұхаммеджан Сайлау қарсылас шыдатпады. Айтпақшы, Мұхаммеджанның 3-ағасы да ат спортын серік еткен.

Азат Қадырбек, тілші:

Бүгін көкпарда «А» тобының өкілдері алғашқы ұпайларды сарапқа салып жатыр. Қырғызстан Моңғолияны 12:1, Ресей құрамасы Мажарстаннан 11:1 есебімен басым түссе, Өзбекстан Ауғанстан кездесуінде 4:1 есебі тіркелді. Қазақстанның көкпар және көкбөрі құрамалары «Б» тобында, демек ертең жарыс жолына шығады.