IT экспорты 1 миллиард доллардан асты

Қазақстанның IT саласындағы қызметтер экспорты 1 миллиард доллардан асты. Бұл – Президенттің Қазақстанды цифрлық мемлекетке айналдыру тапсырмасы аясында атқарылған жұмыстардың нәтижесі. Қазір еліміз цифрландыру бойынша әлемдегі 193 елдің ішінде 24-орында тұр. Ал онлайн қызметтер индексі бойынша топ он елге кіреді. Бүгінде мемлекеттік сервистің 90 пайыздан астамы онлайн көрсетіледі. Сондай-ақ биыл Қазақстанның ұлттық суперкомпьютері әлемдегі ең қуатты 500 есептеу жүйесінің қатарына кіріп, 86-орынға ие болды. Қазір Astana Hub экожүйесінде 2 мыңнан астам компания  жұмыс істейді. Министрлік 2030 жылға қарай елімізде 10 мыңға жуық жасанды интеллект маманын даярлап, IT-қызметтер экспортын 5 миллиард долларға  жеткізуді жоспарлап отыр.