Шымкентте саябақ аумағы тазартылды

Шымкентте «Таза Қазақстан» экологиялық акциясы аясында саябақ аумағы тазартылды. Сенбілікке шаһардың белсенді жастары да атсалысты. 30-ға тарта ерікті жаңадан бой көтерген Сити парк аумағын қоқыстан тазартып, айналаны ретке келтірді. Жыл басынан бері ерікті жастар 60-тан астам тазалық жұмысына қатысып, 30 тоннаға жуық қоқыс шығарған.

Қуаныш Серкібаев, Жастар ресурстық орталығы басшысының орынбасары:

Бұл Таза Қазақстан акциясына ең көбі мың жасқа дейін қатысқан. Қазір оқу жылы енді басталды. Шымкенттегі белсенді жастарымыз университет, коледж қабырғасына келді. Сол жастарымыздың ұсынысы бойынша бұндай тазалық жұмыстары алдағы уақытта тұрақты түрде ұйымдастырылады.