Индонезия орман өртімен әлі күресіп жатыр

Индонезияда орман өртімен күрес жүріп жатқанына бірнеше апта болды. Суматра мен Калимантан аралдарында миллиондаған адам улы түтін басқан ауамен демалуға мәжбүр. Мыңдаған адамның тыныс алуы нашарлап, ауруханаға түскен. Мектептер де жабылды. Бұған қоса қою қара түтін жалынмен күресуге айтарлықтай кедергі келтіріп отыр. Индонезиядағы өрттен шыққан түтін көршілес Малайзия мен Филиппинге  жеткен. Ал Сингапурде ауа сапасының нашарлауына байланысты тұрғындар бетперде тағуға мәжбүр. Бұған қоса табиғат аясында шаралар өткізуге шектеу қойылды.