Индонезияда тегін тамақтан 1700-ден аса адам уланып қалды

Тегін тамақтан 1700-ден астам адам уланып қалды. Индонезияның Орталық Ява провинциясындағы мектептерде оқушылар мен мұғалімдер мемлекеттік бағдарлама аясында таратылған тағамнан соң дәрігер көмегіне жүгінген. Мұны елдің денсаулық сақтау жөніндегі парламенттік комиссиясы мәлімдеді. Миллиардтаған доллар қаржы бөлінген жоба былтыр іске қосылған болатын. Алайда бағдарламаның жүзеге асу кезеңінде жемқорлыққа қатысты күдік туып, бірнеше шенеунік қызметінен кеткен. Бұған қоса, 1 қыркүйекке дейін елде осы бағдарламаға байланысты 50 улану фактісі тіркелген.