Қазақы тазы тұқымын көбейтуге үлес қосқандар марапатталды

Қазақы тазы тұқымын көбейтуге үлес қосқан кинологтар марапатталды. Экология және табиғи ресурстар министрлігінде өткен салтанатты іс-шарада 20 азамат Құрмет грамотасына ие болды. Еске салсақ, кеше елімізде алғаш рет қазақы тазы күні атап өтіледі. Мақсат – ұлттық құндылықтарды дәріптеу, жеті қазынаның бірі саналатын тұқымды сақтау және оны кеңінен насихаттау. Осыдан тура бір жыл бұрын Мемлекет басшысы қазақы тазы тұқымын ұлттық бренд әрі мәдениетіміздің ажырамас бөлшегі ретінде халықаралық деңгейде кеңінен насихаттауды тапсырды. Содан кейін 3 қыркүйек атаулы күн ретінде бекітілді.