Шетелдегі студенттер де декларация тапсырады

Шетелде оқитын қазақстандық студенттер шоттарын декларациялауға міндеттелді. Заңға сәйкес олар сыртта жүрсе де, Қазақстан Республикасының резиденті мәртебесінде қалады. Сондықтан, олар 15 қыркүйекке дейін салық органдарына есеп тапсыруы керек. Қандай жағдайларда? Біріншіден, банк шоттарында 3 млн 900 мың теңге болса, ел аумағынан тыс жерде мүлкі болса, сондай-ақ 78,6 млн теңгеден асатын сомаға ірі келісімшарқа отырса, декларация тапсырады. Жеңілдіктер де бар. 1-қаңтардан бастап студенттер стипендиялары мен гранттары үшін табыс салығынан босатылды.