Қытайдағы тайфуннан мың-мыңдаған адам көшуге мәжбүр болды

Қытайда «Саудель» тайфуны кезінде 83 мың адам қауіпсіз жерге көшірілді. Жел секундына 23 метр жылдамдықпен жүйіткіген. Үздіксіз нөсер жауып, қалалар мен ауылдарда су тасқыны болды. Мектептер, кәсіпорындар мен туристік орындар жабылып, қоғамдық көлік қатынасы тоқтаған. Бұл – Қытайға жыл басынан бергі 7-тайфун. Елдің метеорология басқармасы дүлей дауылдардың жиілеуін Эль-Ниньо құбылысымен байланыстырып отыр.