Жетісу облысында өрт сөндіру бекеті ашылды

Жетісу облысының Сарқан ауданындағы Мұқан Төлебаев ауылында жаңа өрт сөндіру бекеті ашылды. Қауіпсіздік нысаны ауылдағы 1000-ға жуық тұрғынмен қатар, іргелес жатқан Шұбартүбек пен Үлгі елді мекендеріне де қызмет көрсетеді. Заманауи техникамен және қажетті құрал-жабдықтармен қамтылған бекет төтенше жағдай кезінде жедел әрекет етуге мүмкіндік береді. Өңірде былтырдан бері 13 өрт сөндіру бекеті ашылса, қазір тағы 9 нысанның құрылысы жүріп жатыр. Ауыл тұрғындарының айтуынша, жаңа нысан елді мекендегі қауіпсіздікті күшейтпек.