Еуропарламент Қазақстандағы реформаларды жоғары бағалайды

Еуропарламент депутаттары Қазақстандағы Конституциялық, құқықтық реформаларға жоғары баға беруде. Франция атынан сайланған Еуропарламент депутаты Тьерри Мариани бір Палаталы Парламенттің құрылуымен құттықтап, Құрылтайдың жаңа құрамымен ынтымақты арттыруға ниетті. Саясаткер «Қазақстанның өлім жазасын жойып,  тұрмыстық зорлық-зомбылыққа қарсы заң қабылдап, адам құқықтарын сақтауға басымдық бергені өзге елдерге үлгі», - дейді.

Тьерри Мариани, Еуропалық Парламент депутаты:

Билік жаңа Президентке өткеннен кейін елдеріңізде ауқымды реформалар жүзеге асырылғанын көріп отырмыз. Конституциялық Соттың, адам құқықтары жөніндегі омбудсменнің мәртебесін көтеріп, бірыңғай Президенттік мандат енгізді.  Мұның бәрі елдеріңіздің өзгерістерге деген ұмтылысын,  азаматтық қоғамды дамытуға басымдық бергенін көрсетеді. Бізде өткен Адам құқықтары жөніндегі комиссияның отырысында барлық спикерлер бұл реформалардың оң аспектілерін атап өтті.