Network School Kazakhstan технологиялық экожүйе жұмысы басталды

Қазақстанда әлемнің түкпір-түкпірінен кәсіпкерлерді, инженерлерді, зерттеушілер мен технологиялық өнім жасаушыларды біріктіретін халықаралық қоғамдастық жұмысын бастады. Ресми ашылу шарасы Астанадағы Alem.ai халықаралық жасанды интеллект орталығында өтті. Network School Kazakhstan деп аталатын бұл жобаның негізін қалаушы - Балаж Шринивасан. Ол әзірлеген технологиялық экожүйе елге талантты мамандарды тартуға, олардан білім алып, стартаптар құрып, дамытып, тіпті компания құруға дейінгі мүмкіндіктерді ұсынады. Жоба технологиялық компаниялар мен командаларға да бағытталған. Network School алаңында конференциялар, хакатондар, жұмыс сессиялары және ұзақмерзімді командалық бағдарламаларды өткізуге болады.