Айыппұлмен келіспеген жүргізуші 10 тәулік ішінде шағымдана алады

Камера арқылы тіркелген айыппұлмен келіспеген жүргізуші оған шағымданып, даулауға құқылы. Ол үшін алдымен Qamqor.gov.kz сайтынан фото - бейнежазбаларды тексеру қажет. Құқық бұзушылық расталмаса,  дәлелдерді тіркеп, «E-Otinish» жүйесі арқылы онлайн шағым беруге болады. Ең маңыздысы арызды айыппұл салынған немесе қаулыны алған күннен бастап 10 тәулік ішінде ұсыну керек. Мамандар 50 пайыздық жеңілдікпен төлеуге асықпаған жөн дейді. Өйткені бұл құқық бұзушылықты мойындау ретінде қарастырылуы мүмкін. Ал көлікті басқа адам жүргізген болса, нақты жүргізуші туралы ақпарат көрсетуге болады.

Ақтоты Боранова, ҚР ІІМ Әкімшілік полиция комитеті басқарма бастығының орынбасары:

Жол қиылысында тұрған автоматты тіркеу жүйелері автоматты түрде құқық бұзушылықтарды анықтайды. Анықталғаннан кейін ол процессингті орталық көмегімен өңделеді. Ол жерде де кез келген болуы мүмкін. Егер жүргізушіге ұйғарым қате баратын болса, кез келген жүргізуші айыппұлмен келіспеген жағдайда ӘҚК 44-бабына сәйкес арыз тастап, ӘҚБ расталмаған жағдайда іс қысқартуға жатады.