Индонезияда жанартау атқылап, 8 әуежайдың жұмысы тоқтады

Индонезияда Анак-Кракатау жанартауы атқылап, ондаған мың адам әуежайларда қалып қойды. Табиғи апат 170 мыңдай жолаушының сапарына әсер еткен. Вулканнан айналаға күл мен шоқ шашылып, қауіпсіздік мақсатында 8 әуежай жабылып, 200-ден астам ұшақ рейсі тоқтатылған. Олардың арасында елдің басты халықаралық әуежайы да бар. Сунда бұғазында орналасқан отты тау өткен жұма күні атқылай бастаған. Ал жексенбіде одан тағы екі мәрте лава төгілді.

Жергілікті биліктің мәлімдеуінше, цунами қаупі төніп тұрған жоқ.