Қазақстан тарихының көптомдығын баспаға дайындау жұмыстары пысықталды

Қазақстан тарихының көптомдығын баспаға дайындау жұмыстары қарқынды жүріп жатыр. Қазір академиялық еңбектің терминологиясын біріздендіру, тарихи материалдар мен иллюстрацияларды жүйелеу, мәтіндерді редакциялау және беттеу жұмыстары жасалып жатыр. Бұл туралы Вице-Президент Ерлан Қарин әлеуметтік желідегі парақшасында жариялады. Ол осы іске жауапты редакторлар ұжымымен бірге күн тәртібіндегі мәселелерді талқылаған. «Академиялық басылымның баспаға сапалы әрі талапқа сай дайындалуына қатысты атқарылып жатқан шаруалардың барысын сараладық. Бұл бағыттағы жұмыс жүйелі түрде жалғасады», - деп жазды.